Словенечкиот амбасадор донираше компјутери за Дневниот центар

Раковец се надева дека компјутерите ќе им користат на корисниците на Дневниот центар.

Се надевам дека компјутерите ќе ги подобрат можностите за развој на децата. Би сакал да нагласам дека ја цениме работата на учителите и затоа сме многу благодарни. Се надеваме дека ќе бидете задоволни со оваа донација. Нашата амбасада со задоволство секогаш учествува во таквите донации, се разбира во рамките на нашите реални можности - изјави амбасадорот.

Ивица Благојевиќ, психолог во Дневниот центар се заблагодари за донацијата и посака успешна работа на амбасадата на Словенија во Македонија.

Да посакам и понатаму да се дружиме, затоа што ние како Дневен центар и локална самоуправа и понатаму сме подготвени за дружење и соработка - рече Благојевиќ.

Градоначалникот на Куманово, Зоран Дамјановски кажа дека амбасадорот  е во работна посета на Куманово.

Проектот го направи секторот за евроинтеграции и меѓународна соработка, за донација на пет компјутерски системи, комплетно со монитори, што ќе овозможи едукција на возможно ниво за лицата со попреченост - рече Дамјановски.

Дневниот центар за лица со посебни потреби има 26 корисници.