Зачленете се во нашиот клуб на читатели и најновите текстови ќе ги добивате на вашата мејл адреса
Со изведба на претставата “Просидба“ од Чехов, во режија на Кети Дончевска Илиќ во кумановскиот театар вечерва ќе биде одбележан Светскиот ден на театарот.
Претходно, актерката Сања Русевска ќе прочита пораки за театарот од Бред Бејли и од Ѕвездана Ангеловска. Влезот ќе биде слободен и посетителите ќе уживаат во претставата во која играат Стефанија Зисовска, Давид Илиќ и Горан Илиќ.
Ние сметавме дека “Просидба“ не е доволно играна и затоа ја вративме на репертоарот на кумановскиот театар. Имаше голем одзив, уште ја бараат оваа престава и затоа одлучивме да биде презентирана вечерва на малата сцена кој што ја отворивме неодамна. Таа мала сцена стана многу актуелна во последно време и мислам дека е многу добро што почнавме да прикажуваме претстави на малата сцена. На големата сцена продолжуваме од април па натаму - вели Симона Тоскиќ, драматург и продуцент во театар Куманово.
Претставата “Просидба“ почнува во 20 часот.