Зачленете се во нашиот клуб на читатели и најновите текстови ќе ги добивате на вашата мејл адреса
Општина Старо Нагоричане ќе се збратими со општината Свинита од Република Романија.
Ова е договорено при неодамнешната посетата на делегации од општините Старо Нагоричане и Пробиштип на Романија, на иницијатива на амбасадорот на Македонија во оваа земја, Панде Лазаревски.
“За време на посетата е потпишан меморандум за збратимување меѓу Пробиштип и Анина и општина Старо Нагоричане и Свинита. Самиот акт на збратимување ќе биде потпишан при посетата на делегацијана Свинита во Република Македонија во август оваа година. На средбата стана збор за подобрување на соработката помеѓу општините во областа на образование, култура, учество во заеднички проекти финансирани од ЕУ, економијата и поврзување на бизнис сектор“ - велат од општина Старо Нагоричане.
Делегациите од Старо Нагоричане и Пробиштип ги посетија романските општини Анина, Молдова Нова и Свинита.
Зачленете се во нашиот клуб на читатели и најновите текстови ќе ги добивате на вашата мејл адреса
