Зачленете се во нашиот клуб на читатели и најновите текстови ќе ги добивате на вашата мејл адреса
Стотина стечајни работници и технолошки вишок денеска протестираа на влезот на Куманово, кај бензинската пумпа на „Макпетрол„ и побараа уште еднаш од Владата да го реши нивното прашање.
При тоа му порачаа на премиерот дека не му простуваат што со години ги игнорира нивните барања и несака да им го реши социјалниот статус.
Некни премиерот побара прошка од граѓаните. Од стечајни работници прошка нема, затоа што секој ден на врата ни чукаат извршители и затоа што сме гладни. Прошка ќе добие кога ќе даде некаква сигурност и парче леб- изјави Лилјана Георгиевска претседателка на здружението „УНИТ„.
Таа најави дека до 10 април ќе поднесат нова Предлог-закон за стечајните работници зад кој ќе застане опозицијата во Собранието. Тврди дека со него ќе се опфатат 95 проценти од стечајните работници, со 15 години минимум работен стаж и старост 50 години за жени и 53 години за мажи. Георгиевска вели дека тие не го прифаќаат Предлог-законот кој беше најавен од друга група на стечајни работници и ќе го обжалат на Уставен суд, ако не се изготвува во соработка со нив како легитимни претставници на стечајците во Македонија.
Зачленете се во нашиот клуб на читатели и најновите текстови ќе ги добивате на вашата мејл адреса
