Зачленете се во нашиот клуб на читатели и најновите текстови ќе ги добивате на вашата мејл адреса
Вработени од јавната администрација денеска ќе протестираат барајќи потпишување на колективен договор и исплата на 30 проценти додаток на плата.
Од Синдикатот на работниците од управата, правосудните органи и здруженија на граѓани (УПОЗ) велат дека на протест ќе излезат осум министерства, Државниот завод за статистика и Државниот архив. Веќе една недела во штрајк се и вработените од Државното правобранителство.
На протестот се очекува да учествуваат вработените од министерствата за култура, животна средина, европски прашања, дигитална трансформација, транспорт и врски, економија и труд.
Предвидено е да се протестира во периодот од 11 до 11.30 часот, а локацијата ќе се менува секој ден. Во петок протестот ќе се одржи пред Министерството за финансии. Од УПОЗ сметаат дека вработените во министерствата се дискриминирани во однос на нивните колеги од Службата за општи заеднички работи на Влада, Генералниот секретаријат, Министерството за здравство, образование, финансии кои добија 30 отсто.
Зачленете се во нашиот клуб на читатели и најновите текстови ќе ги добивате на вашата мејл адреса
