Зачленете се во нашиот клуб на читатели и најновите текстови ќе ги добивате на вашата мејл адреса
На територијата на Општина Куманово во наредните 2,5 месеци ќе се врши теренско прибирање на податоци за улици и куќни броеви во сите населени места.
Оваа постапка ја спроведува Агенцијата за катастар на недвижности, заради воспоставување на Графички регистар на улици и куќни броеви кој ќе прерасне во Адресен регистер за целата територија на државата. Овој регистер ќе содржи просторни и описни податоци за улиците и куќните броеви, прибрани од терен, поединечно по населено место.
- За таа цел ги информираме жителите на Општина Куманово дека во период од 28.01.- 13.04.2020 година ќе се врши теренско прибирање на податоци за улици и куќни броеви во сите населени места на територијата на општина Куманово, - соопштуваат од Општината.
Од таму, апелираат до граѓаните за соработка со екипите задолжени за теренско прибирање на податоци, со цел непречено, навремено и успешно спроведување на процесот за воспоставување на Адресниот регистар.
Теренско прибирање на податоци за улици и куќни броеви ќе се изврши во 11 општини во државата.