Техничкото училиште „Наце Буѓони“ почна да се грее на гас

 За таа цел монтирани се три посебни сетови на котли: во главната зграда, спортската сала и работилницата за да се зголеми заштедата и ефикасноста на системот.

„Намерно е направено така, ако на пример нема часови по физичко образование или практична настава во работилницата нема потреба да се загреваат тие простории. Рано е да кажеме какви се ефектите од гасификацијата, ја немаме добиено ниту првата сметка од „Куманово-гас“, но верувам дека ќе имаме позитивен исход од ова инвестиција“, истакна директорот Драган Јаневски.

Тој додева дека се целосно посветени за намалување на задувањето на животната средина и енергетска ефикасност на објектите, а тоа се гледа што веќе имаат поставено фотоволтаици на кровот, а користат и инвертер клима- уреди. 

„Училиштето е и лиценцирано, како правен субјект од Министерството за екомонија и труд за вршење енергетски контроли. Јас лично како електроинженер и колегите би требало најдобро да го познаваме полето за ефикасност во загревање на просториите. Тврдам дека се преземени сите можни мерки за заштеда на енергија, но секако и пари- со ставање во погон на фотоволтаиците имаме драстично намалување на сметките за електрична енергија“, објаснува Јаневски.

Гасификацијата е спроведена со финасиски средства обезбедени преку Канцеларијата на Обединетите Нации за проектни услуги  (УНОПС), Mинистерството за животна средина и просторно планирање во соработка со Општина Куманово. Процесот поминал лесно и брзо затоа што менаџментот имал подготвен елаборат за гасификација, па не се губело време на комплетирање на документацијата.