Три нови градинки, детски катчиња и тетар за деца, најави Сара Каревска, кандидатка за советничка на ЗНАМ

„Три нови градинки, во населбата Зелен Рид, во урбаната единица „Бајрам Шабани“ и во населбата Карпош, реконструкција и проширување на капацитетите на постојните објекти на градинките со современи и функционални услови за престој на децата, стручно усовршување на воспитувачите за модерни воспитни програми и содржини, и доуредување на дворовите со нов инвентар и модерни реквизити. Зголемување на капацитетите за згрижување на децата во градинките. Нови детски катчиња и зони за игра и рекреација во секоја месна заедница, достапни за сите деца, со стандардизиран изглед и квалитетни материјали (нас. Карпош, нас. Ајдука Чешма, нас. Тоде Мендол, н. Добрашане, нас. Јане Сандански, нас. Зелен Рид, м. з. Тоде Мендол, централно градско подрачје и други локации). Дневен центар за дружење и едукација на децата“, кажа Каревска. 

Таа додаде дека програмата предвидува и Театар за деца и анимации како дел од културно-едукативните содржини за најмладите, културен фестивал за деца на отворено – прослава на талентот и креативноста, детски спортски игри како поттик за здрав живот и спортски дух. Поддршка за децата од ранливите семејства и еднакви шанси за сите, активности за прифаќање на различностите и промоција на другарство, со цел намалување на булингот како девијантна општествена појава, субвенции за секое трето дете. Поставување урбана опрема за одржување на едукативна и спортска настава на отворено на локалитет Студена Вода, како и поддршка на повеќе едукативни прошетки и истражувања на природата.

"Грижата за децата не е само обврска, тоа е чест и должност на секоја современа општина. А тоа значи: безбедни улици, градинки и училишта, простори за игра, култура и спорт, активности што ќе ги охрабрат да сонуваат и создаваат", заврши Каревска.