Триесет и седум вработени во градинките ќе добијат решенија

Се работи за негувателки и хигиеничарки, кои со години работеле по договор на дело.

“Законот за трансформација во редовен работен однос веќе е на сила. За оние кои ги имаме вработено со договор на дело и кои се опфатени со законот, ги исполнуваат условите, во овој момент мораме да направиме измена на правилникот за внатрешна организација. Ќе бидат ставени во три групи, при што ќе треба да добиеме согласност за сите наеднаш, меѓутоа склучување на договор со  првата група е веднаш, со втората група веднаш, а стапува на сила од 1 декември 2015 и третата група е од 1 септември 2016 година. За сите триесет и седум луѓе вработени во нашата градинка веќе имаме доставено барање, со сите потребни документи до министерството“ - изјави Марина Алексовска, директорка на градинката.

Меѓу вработените чии договори се трансформираат има и такви кои работат од 2003 година.