Зачленете се во нашиот клуб на читатели и најновите текстови ќе ги добивате на вашата мејл адреса
Меѓуграничен форум за промоција на културното наследство во прекуграничниот регион на Бугарија и Македонија, во организација на Фондација за развој на мали и средни претпријатија и Индустриско – трговската комора на Ќустендил, се одржа во Куманово.
На онлајн форумот кој траеше два дена учество земаа преку 50 учесници од македонска и бугарска страна, кои презентираа интересни теми и дискусии во делот на развојот и зачувување на културното наследство во прекуграничниот регион.
- Меѓуграничниот форум максимално допринесе за подобрување на информираноста и знаењата на локалните и регионалните туристички и културни заедници, што пак од друга страна се фокусира на размена на искуство и знаење помеѓу туристичките оператори, културните институции и локалните и регионалните власти од прекуграничниот регион за активности од областа на развој на туризмот и културното наследство - истакна координаторот на проектот, Димитар Ташевски.
На форумот се презентираа промотивните видео спотови изработени во рамки на проектот, а беа прикажани иновативните виртуелни тури на културно историските обележја.
- Сето ова беше проследено со големо воодушевување и восхитување од страна на учесниците на форумот за сите овие изработени материјали и иновативни алатки кои во иднина ќе послужат за реална промоција на културното наследство во регионот и развојот на туризмот, - додава Ташевски.
Меѓуграничниот форум е во рамки на проектот „Туризам кој придонесува за културното наследство во прегуграничниот регион Бугарија - Македонија„, кој е финсиран од Европската Унија.
Зачленете се во нашиот клуб на читатели и најновите текстови ќе ги добивате на вашата мејл адреса
