×
  • Насловна
  • Вести
  • Регион
  • Македонија
  • Спорт

  • Видео

  • Колумни
  • Интервју

  • По допрен глас
  • Репортажи
  • Ретроспектива

  • Погранична хроника
  • Фото вест - Ваша пошта!

  • Дезинформации
  • ПРОВЕРКА НА ФАКТИ:КОВИД-19
  • Проверка на факти: реформи кон ЕУ

  • Контакт
  • Политика на приватност
  • Импресум
  • Маркетинг стратегија
  • Понуда за рекламирање

  • Ученици од „Светозар Марковиќ“ наградени за статии во Википедија

    11.09.2018 10:53 | KumanovoNews

     Симона Величковска, Милена Богдановиќ, Анастасија Анѓелковиќ, Софија Јовиќ, Лела Вељковиќ и Сара Величковска, сите ученички во основното училиште „Светозар Марковиќ“ во Старо Нагоричане, се вратија со награди и признанија од вториот „Вики камп“, кој викендов се одржа во Дојран.

    Ученици од „Светозар Марковиќ“ наградени за статии во Википедија

    Во конкуренција на 46 ученици од 10 основни и средни училишта во државата, ученичките покажаа извонредни резултати во пишување на статии за Википедија на македонски јазик.

    - Симона Величковска освои прва награда со најголем број 30 поени и најголем број 36 создадени статии, втора награда со создадени 34 статии доби Милена Богдановиќ, четвртата награда им припадна на Анастасија Анѓелковиќ и Софија Јовиќ, а Лела Вељковиќ доби награда за најдобра статија за „Змеј од Бросно“. Награда за повеќе објавени статии доби и Сара Величковска, - вели Стојна Арсовска Доневска, професор по српски јазик, ментор на учениците.

    Наградените ученички се членови на „Вики-клубот“ во Старо Нагоричене.

    Вториот „Вики Камп“ за ученици го организира Здружението на граѓани „ГЛАМ“ Македонија од Скопје. Учесниците уредуваа статии на разни теми, а во текот на трите дена беа создадени повеќе од 300 нови статии на Википедија на македонски јазик, а најдобрите и најуспешните беа наградени.

    „Вики Клуб“ е образовен дел од активностите на Здружението на граѓани ГЛАМ Македонија, што започнува да се реализира од октомври 2016 година. Идејата и целта на Вики Клубовите е да се привлечат нови уредувачи, да се создадат нови статии, како и да се подобрат постоечките на Википедија на македонски јазик, преку едукација на ученици низ Македонија.

    2008 - 2022 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk