Учениците собираа смет во училишните дворови

Три дена непрекинато во основното училиште ,,Кочо Рацин" се реализира акција „Македонија без отпад“. Ученици, наставници, родители и соседите кои живеат во близина денеска беа вклучени во расчистување на училишниот двор и блиската околина, во селектирање на отпад.

Најголемата акција се спроведе при полнење на контејнерот ,,Џери" наменет за пластика. Нашето училиште секоја години активно учествува во реализација на проектот и преку едукативен материјал изготвен од наставници и ученици се со цел за подигање на свеста за правилно собирање и селектирање на отпад. Посебен акцент беше ставен на последниот ден од работната недела кога учениците по голем одмор го собираа и селектираа отпадот направен после ужина во пластични кеси со цел да осознаат колку количински се создава отпад само за еден голем одмор“ - вели Ивана Ѓорѓиевска, библиотекар во “Кочо Рацин“.

Во Гимназијата “Гоце Делев“ денеска осумдесетина ученици од еко тимовите учествуваа во расчистување на дворот. Професорите велат дека и за време на класниот час работат на подигање на еко свеста кај учениците.

Акцијата се спроведуваше од 9 до 11 часот, се ангажиравме околу расчистување на дворот на училиштето и подигање на еколошката свест кај учениците. Секоја година се вклучуваме во оваа акција, одбележување на Денот на пролетта , садиме садници“ - рече Соња Тодоровска, помошник директор во “Гоце Делчев“.

И во основното училиште “11 Октомври“ рано утрово учениците во вреќи собираа отпадоци од тревникот пред школото.

Имавме и некои едукативни предавања за собирање на смет и отпад. Децата од 7 до 9 одделение собираа отпад околу и во училишниот двор и на некој начин децата ги едуциравме за чиста и здрава околина“ - изјави Јелена Павловска, професор по биологија во “11 Октомври“.

Општина Куманово по повод акцијата “Ајде Македонија“ ќе го исчисти коритото на река Кумановка, а ќе бидат опфатени и Којнарка и Липковска. Акцијата “Македонија без отпад“ има за цел да поттикне масовно чистење на сметот во земјава.