Зачленете се во нашиот клуб на читатели и најновите текстови ќе ги добивате на вашата мејл адреса
Над 30 единици крв се собрани во првите два часа од крводрителската акција што ја организираше Унијата на млади сили на ВМРО-ДПМНЕ во Центарот за култура Куманово.
Во акцијата учествуваа главно партиски членови, но и редовни крводарители и граѓани.
Има голем одзив на акцијата од граѓани кои сметаат дека со овој хуман гест ќе спасат нечиј живот. Паралелно со оваа акција спроведуваме и акција за доброволни прилози за помош на нашата сограѓанка Ивана Величковска. Оваа акција се спроведува на територија на целата држава организирана од општинските комитети на УМС со Институтот за трансфузиологија и Црвениот крст,- изјави Срѓан Ивановски, претседателот на УМС Куманово.
Од одзивот се задоволни и во Центарот за трансфузиологија.
Акцијата започна во 11 часот и веќе голем број дарители даруваа крв. Досега има собрано 30 единици крв, а се надевам дека до крајот бројот ќе биде над 60. Секоја капка крв е значајна и ситуацијата на терен е менлива и не може да се каже дали има доволни количини на крв,- вели Љиљана Славковска трансфузиолог.
Во летниот период зголемен е бројот на сообраќајни несреќи и ургентни случаи, а граѓаните одат на одмор, па затоа се потребни поголеми резерви од крв.
Зачленете се во нашиот клуб на читатели и најновите текстови ќе ги добивате на вашата мејл адреса
