Зачленете се во нашиот клуб на читатели и најновите текстови ќе ги добивате на вашата мејл адреса
Интересот за вакцинирање е голем, но досега имаше вакцини само за ризичните групи.Утре ќе започнеме со вакцинирање на сите заинтересирани граѓани, откако ќе ги добиеме новите вакцини.
Во Куманово од утре ќе започне вакцинацијата на граѓаните против грипот А(Х1Н1). Досега се вакцинирани 770 граѓани од ризичните групи и 103 здравствени работника.
Интересот за вакцинирање е голем, но досега имаше вакцини само за ризичните групи.Утре ќе започнеме со вакцинирање на сите заинтересирани граѓани, откако ќе ги добиеме новите вакцини. Досега немаме несакани последици ниту кај едно лице што ја прими вакцината - вели др. Јадранка Стаменковска, епидемиолог во ЗЗЗ Куманово.
Куманово е на вторто место по бројот на заболени од грип. Досега има регистрирано 3.922 лица.80 проценти од заболените се на возраст од 5 до 14 години и од 20 до 64 години. Минатата недела на Инфективното одделение во Општата болница се хоспитализирани 20 пациенти, а 58 се во дневната болница. Едно лице со потешка клиничка слика било испратено во Скопје. Поради зголемениот број, болните од грип се сместуваат и на Ушното одделение во старата зграда на болницата.
Министерството за здравство во понеделникот организирало предавање за матичните лекари за клиничката слика на новиот вирус. Лекот „тамифлу„ бесплатно ќе се издава на лекарски рецепт само во Здравствениот дом во Куманово.