Зачленете се во нашиот клуб на читатели и најновите текстови ќе ги добивате на вашата мејл адреса
Рок групите „Ван Гог“ и „Ареа“ се ѕвезди на годинешново издание на „Мото рок фест“, кој во сабота ќе се одржи на спортскиот аеродром Аџитепе во Куманово.
Организаторите од мотоклубот „Мечки“ најавуваат богата програма со квалитени музичка гости и посета на моторџии од Словенија, Бугарија, Хрватска, Босна и Херцеговина, Србија, како и од секој клуб и град во Македонија.
„Во 16 часот започнуваме со нашите кумановци „Радиостејџ“, потоа Деј оф“ од Скопје, во 20 часот бендот ќе настапи што оваа година слави 30 години, нашите познати рокери „Ареа“, околу 20 часот е главната ѕвезда на настанот групата „Ван Гог“, а на полноќ гостите од Будимпешта бендот „Ганзн розис“ очекуваме да направат голем спектакл“, изјави Игор Тимчевски, од клубот Мечки.
Пред почетокот на музичкиот дел, од 14 часот ќе започне пена парти, ќе има фото сесија, изработка на графити, а во 15 часот ќе има бесплатен моторџиски ручек, откако предходно ќе се одржи натпревар во печење на прасиња.
Покровител на манифестацијата е Општина Куманово, а поддршка дале и голем број на спонзори од градот и државата.
Влезот на манифестацијата е бесплатен.
Зачленете се во нашиот клуб на читатели и најновите текстови ќе ги добивате на вашата мејл адреса
