Зачленете се во нашиот клуб на читатели и најновите текстови ќе ги добивате на вашата мејл адреса
Општинскиот штаб за заштита и спасување во Куманово, побара од Владата да донесе одлука за воведување карантин на територијата на Општина Куманово, со цел да се спречи ширењето на корона вирусот.
- Бараме од Владата да донесе препорака (одлука) за воведување карантин на територијата на Општина Куманово, со поставување на контролни пунктови од страна на МВР на секој влез и излез во градот, на кои воедно ќе се врши контрола и соодветна дезинфекција на сите возила и патници, кои влегуваат во Куманово, - соопштуваат од Општинскиот штаб.
Истовремено побарано е Владата да обезбеди поголем број на тестови од вирусот COVID 19 и да се отворат повеќе пунктови за тестирање на лица, како и да се зголеми полициски час во времетраење од 18.00 до 06.00 часот.
- ЈП „Чистота и зеленило“ Куманово да изврши дезинфекција во сите влезови на станбени згради и ходници. Да бидат затворени капелите во наредниот период, а погребување да се врши на самото гробно место. Се бара од Општина Куманово да даде на користење четири возила на СВР Куманово за нивни потреби, по претходно доставено барање од нивна страна, - стои во соопштението од Кризниот штаб.
Зачленете се во нашиот клуб на читатели и најновите текстови ќе ги добивате на вашата мејл адреса
