ВМРО-ДПМНЕ: Гласот на граѓанинот нема цена

Една ваква изјава на шефот на изборниот штаб на СДСМ, Оливер Спасовски, каде вели дека МВР, Министерство за земјоделство и Шумска полиција, како и Центарот за социјални работи вршат притисок врз граѓаните за поен плус, е нешто со кое СДСМ се обидува да си ги прикрие своите нечесни и против законски игри со кои го рушат човековото достоинство, злоупотребувајќи ја нивната социо-економска состојба.

ВМРО-ДПМНЕ, сака јасно и гласно да им порача на сите оние кои се служат со вакви мeханизми, дека власта по секоја цена неможе да се добие со уцени, закани, заплашувања и подмитување. Ние, цврсто сме уверени дека, не постои цена со која може да се купи достоинството на еден човек, затоа и на овие локални избори излеговме со конкретна програма, со дела кои ќе овозможат подобар и поквалитетет живот за секој наш сограѓанин.

Лесно е да се зборува и да се префрлува топката на некој друг, но од СДСМ и неможеме нешто друго да очекуваме, затоа што тие се оние кои одат на избори без програма, без конкретни дела со кои можат да се пофалат и тие се оние на кои единствено што им остана е употреба на методи на поткупување, заплашување и уцени. На само чекор до изборите, очигледен е стравот кај СДСМ дека на 7-ми Април ќе дожиеват тежок пораз, затоа му порачуваме на Шефот на изборниот штаб на СДСМ , господинот Спасовски првин да си погледне во својот двор и да се запраша-„Зошто токму неговите комшии и пријатели од населбата Перо Чичо не го доверија својот глас за СДСМ, и зошто ВМРО-ДПМНЕ би користел вакви методи во населби каде убедливо ја доби довербата од граѓаните„? Останува нејасно, доколку сето ова е вистина, зошто немаат поднесено ниту една пријава,и дали сметаат дека нивниот збор е доволен доказ? Веројатно сеуште се наоѓате во шок поради поразот кој го доживеавте во првиот изборен круг, немате меѓусебна координација и ја имате заборавено изјавата од вашиот кандидат, Зоран Дамјановски која ја даде непосредно по завршување на првиот изборен круг дека ”Изборите ги оценувам за фер и демократски,…”

Затоa им порачуваме на граѓаните на Куманово дека Вашиот глас нема цена, со вашиот глас Вие одлучувате во каква иднина ќе живеете Вие, вашите деца и поколенијата. ВМРО-ДПМНЕ ја почитува секоја ваша одлука. Ние не нудиме локуми, брашно, зејтин или било какви материјални средства. Ние нудиме ДЕЛА, ние нудиме просперитет и подобра иднина- се вели во одговорот на изјавата,  од ВМРО-ДПМНЕ Куманово.