Во Бедиње се прослави празникот Балаклија

  Овој Светол петок се празнува во нашата црква со духовни песни, молитви и со света богослужба. Се прославува мајката Богородица за да ја придобиеме нејзината љубов и милост. Ова е петок на кој треба сите да се радуваме да бидеме среќни го празнуваме во чест на бескрајната богородична милост на човечкиот род - рече протоереј Ванчо Каранфиловски.

 Верниците во голем број беа присутни во црквата за да го одбележат празникот кој во североисточниот дел на Македонија се прославува единствено во оваа црква.

Традиционално доѓаме секоја година во оваа црква да си земеме осветена вода, иако не го знаеме значењето на овој празник -рече еден верник.

Источен петок е ден посветен на извор на мајка Богородица, кој се наоѓа во Мала Азија во областа Ефес. Лековитоста надалеку се прочула, доаѓале болни, слепи кои подоцна се излекувале и прогледувале. Зборот источник на старословенски значи извор,истекување, протекување.