Зачленете се во нашиот клуб на читатели и најновите текстови ќе ги добивате на вашата мејл адреса
Текстилна стока во вредност од 40 илјади евра, денеска е запленета во дуќаните во трговскиот центар „Гарнизон„ во Куманово. Фармерки, кошули, маици и тренерки фалсификат на познатите трговски марки Долче Габана, Армани, Ла Коста, Адидас, Пума и Левис, биле одземени од Кординативното тело за интелектуална сопственост во соработка со полицијата.
- Во централното подрачје контролирани се 10 објекти во кои најдовме фалсификувани трговски брендови кои се заштитени на меѓународно ниво. Против сопствениците ќе бидат поднесени прекршочни и кривични пријави - вели Мите Мите Костов, претседател на Координативното тело за интектуална сопственост.
Во редовната акција се вршила проверка и на работата на една кабловска телевизија.
Иста ваква акција на Дирекцијата за интелектуална сопственост во соработка со полицијата имаше при крајот на мината година кога беше запленета стока на Зелениот пазар.
Зачленете се во нашиот клуб на читатели и најновите текстови ќе ги добивате на вашата мејл адреса
