Зачленете се во нашиот клуб на читатели и најновите текстови ќе ги добивате на вашата мејл адреса
Во Општинската изборна комисија (ОИК) во Куманово, за гласање во домашни улови се пријавиле вкупно 189 стари и немоќни лица и 31 лице заболено со корона вирус или во самоизолација.
„12 лица кои се заболени со коронавирус и 19 лица во домашна изолација и под здравствен надзор, ќе гласаат во понеделник на 13 јули. Гласањето ќе го спроведуваат два избирачки одбори составени од здравствени работници. Останатите 189 лица се болни и изнемоштени, кои поради неможност на гласање на своите избирачки места ќе гласаат на 14 јули во вторник дома. Тој ден ќе гласаат и корисниците на Домот за стари лица „Зафир Сајто“ како и затвореници од затворот Куманово во Кшање“, - соопштуваат од ОИК.
Во Општина Куманово, на парламентарните избори, право на глас имаат околу 86.000 граѓани, а ќе се гласа на 167 избирачки места.
На денов на изборите во среда избирачките места ќе бидат отворени во 7 часот, а гласањето ќе трае до 21 часот, два часа подолго од вообичаеното на претходните избори.
Зачленете се во нашиот клуб на читатели и најновите текстови ќе ги добивате на вашата мејл адреса
