Во Куманово наврна 52 литри дожд, поплавени повеќе улици

Обилните врнежи почнаа вчера околу 17.30 часот, а продолжија во текот на ноќта и утринава. Поради големото количество на вода повеќе улици беа поплавени. Најалармантно беше на булеварот „Октомвриска револуција“, каде што беше успорен сообраќајот и движењето со автомобилите.

Граѓаните на социјалните мрежи споделија слики од излевање на градската канализација.

После Куманово, најмногу дожд падна на Попова Шапка 47 литри, Тетово 42, Пожаране 40 и 34 Скопје...

Времето денеска ќе биде претежно облачно и свежо со врнежи од дожд, кои на повеќе места ќе бидат обилни
(10 до 20 л/м 2 ). Локално врнежите ќе бидат поројни проследени со грмежи и со услови за ретка појава на град. Ќе дува умерен до засилен северен ветер. Максималната температура ќе биде во интервал од 18 до 24 степени. УВ=4.