Зачленете се во нашиот клуб на читатели и најновите текстови ќе ги добивате на вашата мејл адреса
Трибина за рана детекција на рак на дојка, во организација на Општата болница Куманово и Министерството за здравство (МЗ),ќе се одржи утре во 11 часот во Занаетчискиот дом во Куманово. Предавач ќе биде д-р Маја Јакимовска, а целта е да се подигне свесноста кај жените за оваа подмолна болест.
„Трибината е од отворен тип и поканети се сите заинтересирани лица, посебно од женскиот пол да се информираат за скрининг програмите на министерството и процедурите за редовна контрола на дојките. Во состав на болницата работи Кабинет за дојка за мамографски прегледи, постои можност и за ехо- прегледи. Сите лекари, и матичните и оние од секундарното и терцијалното здравство постојано предупредуваме дека редовните прегледи и раната дијагностика се клучни во борбата со ова зла болест. За жал, статистиката покажува дека се намалува и старосната граница на новодијагностицирани“, истакна д-р Стефан Трајановски, директор на болницата.
Министерството за здравство организира вакви трибини во повеќе градови во државата. Кампањата се спроведува во соработка со Националната комисија за скрининг и рана детекција на рак на дојка, Светската здравствена организација, Фонд за население на обединетите нации, Здружение за помош и поддршка на пациенти со гинеколошки заболувања Фемина М, Здружение за иницијативи за развој во здравството, подобрување на здравствените сервиси и застапување на пациенти ЕЗРА.
Зачленете се во нашиот клуб на читатели и најновите текстови ќе ги добивате на вашата мејл адреса
