Во подрачната единица на ДИК увид во избирачкиот список извршиле 55 граѓани

Според информацијата од ДИК се работи главно за повозрасни кумановци, кои потешко се снаоѓаа со пребарување на статусот по електронски пат на официјалниот сајт.

„Граѓаните веќе си знаат и си доаѓаат со барање да се запишат, извршат бришење или промена на податоците во избирачкиот список. Дел од нив доаѓаат лично, а дел испраќаат помлади членови од семејството. Процесот се одвива како треба, отворени сме и во деновите од викендот од 8 до 20 часот“, истакна Невена Величковска, вработена во подрачното одделение на ДИК.

Увид во избирачкиот список може да се изврши до 18 март.