Зачленете се во нашиот клуб на читатели и најновите текстови ќе ги добивате на вашата мејл адреса
Водата од јавните чешми во населба Проевце е микробиолошки исправна, но таа не смее да се пие наместо обичната вода, препорачуваат од Центарот за јавно здравје Куманово.
Мимоза Величковски, специјалист по хигиена советува, минералната вода од Проевце, граѓаните да ја конзумираат во умерени количини бидејќи може да предизвика сериозни канцерогени заболувања.
“Не треба да се пие како вода за пиење , туку едноставно да се користи како напиток. За хемискиот состав можеме да кажеме дека ова се минерални води, богати со арсен. Арсенот е токсична материја класифицирана во групата на канцерогени материи, затоа треба да бидеме многу внимателни во консумирање на оваа вода. “ - додава Величковска.
Примероците земени од водата на јавните чешми со минерална вода одговараат во поглед на микробиолошката исправност. Мостри се земени од осумте чешми на 17 јуни и резултатите покажуваат дека се исправни.
Зачленете се во нашиот клуб на читатели и најновите текстови ќе ги добивате на вашата мејл адреса
