“Вук Караџиќ“ ја обнови наставата на српски јазик

Според статутот, училиштето е регистрирано да врши настава на српски и македонски јазик и е единствено од ваков тип на територијата на град Куманово.

Првачињата во учебната 2012/2013 година ги дочекува високостручен наставен кадар, но и бројни новини во самиот наставен процес. Училиштето обезбеди простор за целодневен престој, книги на српски јазик, но и превоз за оние ученици кои живеат во подалечни делови на градот. Учениците кои ќе ја следат наставата на српски наставен јазик, освен што ќе се стекнат со знаење на два јазика, својот мајчин и македонскиот јазик, ги очекуваат и летни кампови, но и можност своето понатамошно образование да го продолжат во Р. Србија - рече Надица Петровска, директор на ОУ“Вук Караџиќ“.

За да се обезбеди што поголем број на ученици, менаџерскиот тим на ОУ “Вук Караџиќ“, го продолжи уписот за првачиња на српски наставен јазик до крајот на месецот.