Хуманитарен базар во Гимназијата „Гоце Делчев“ во Куманово

По симболични цени продаваа рачнo изработени предмети од учениците.

„На базарот може да се купат уникатни изработки на учениците, како платна, плетени и ткаени работи, ланчиња, бележници за книги, честитки, а сите присутни ќе можат да се освежат со пијалак, закуска и палачинки“, истакна Ива Додевска, координаторка на училишниот клуб.

Собраните средства од овој базар со хуманитарен карактер ќе бидат искористени за купување ваучери од разни салони за убавина и бутици во градот, кои ќе бидат подарени на матурантите од социјално загрозените семејства, со цел да им се помогне во олеснување на трошоците за матурската забава.

Базарот е отворен од 9 до 15 часот.

Училишниот клуб на Црвен крст,  најавуваат низа активности и со другите училишни клубови, меѓу кои и настанот по повод Денот на жената, кој ќе се одржи утре заедно со учениците од ООУ „Браќа Миладиновци“ во малата сала на училиштето.