Зачленете се во нашиот клуб на читатели и најновите текстови ќе ги добивате на вашата мејл адреса
За вкупно 15.287 ученици од основните и средни училишта во Куманово, денеска заврши учебната година. Од нив 10.307 се од основните училишта и 4.980 од средните училишта во Општина Куманово.
„Денеска заврши наставата за учениците од прво до деветто одделение за основните училишта и од прва до трета година за учениците од средните општински училишта. Во глобала специфична учебна година во кој со физичко присуство настава следеа учениците од прво до трето одделение од основните училишта и практична настава за учениците од средните училишта, нормално во согласност со здравствените протоколи за заштита од ковид-19 вирусот, додека сите други настава реализира по пат на учење од далечина - онлајн настава. Во текот на учебната година имаше протешкотии во реализација на наставата од типот на: здравствени проблеми, технички проблеми, немање ИТ уред, нестабилна конекција на интернет и сл“, изјави раководителот на Секторот за образование Александар Јовановиќ.
Согласно одлуката на МОН оваа учебна година не се реализира: ексукрзиите, излетите и наставата во природа за основните училишта, исто така поради мерките за заштита од ковид- 19 вирусот кои беа активни на 20 мај изостанаа организираните матурски прослави во локалните ресторани.
Се очекува до крајот од месецот јуни да се знае како ќе започне учебната 2021/2022 година, дали со физичко присуство, далечинско учење – онлајн настава или комбиниран метод.