Зачленете се во нашиот клуб на читатели и најновите текстови ќе ги добивате на вашата мејл адреса
Членовите на Здружението „За наше Куманово“, синоќа, организираа протест против француската предлог - преговарачка рамка за пристапување на Македонија кон Европската Унија.
Протестот почна од улицата „Ленинова”, а заврши пред споменикот “Македонка“ на градскиот плоштад. На присутните им се обрати градоначалникот Максим Димитриевски, кој порача дека не смее да се преговара за македонскиот јазик и идентитетот.
„Никој не ви дозволува и не ви дава право да отворите тема и да разговарате за името и идентитетот и да давате гаранции, бидејќи ние се бориме за вредностите на Европа, за вредностите на Шуман, за Европа отворена за сите, без уцени, наметнувања, притисоци, без ултиматуми и без предлози. Ние се бориме за обединета Европа, затоа што сметаме дека секој има индивидуално право да се произнесе како што се чувствува и го говори својот мајчин јазик којшто го има наследено од своите предци“, порача Димитриевски.
Зачленете се во нашиот клуб на читатели и најновите текстови ќе ги добивате на вашата мејл адреса
