Зачленете се во нашиот клуб на читатели и најновите текстови ќе ги добивате на вашата мејл адреса
Со осветлување на Занатскиот дом во портокалова боја, Општина Куманово се приклучи на кампањата „Кажи Не на насилството врз жени и девојчиња".
Градоначалникот Максим Димитриевски, вели дека оваа борба зависи од сите нас, па затоа повика да се реагира на насилството и да се пријавува за да може да се смени ситуацијата.
„Кампањата трае 16 дена и има за цел да прати силна порака против насилството врз жените и девојчињата, со тоа што неколку знаменитости низ различни градови во државата ќе бидат осветлени во портокалова боја, како симбол за посветла иднина, без насилство врз жените и девојчињата. Крајниот резултат на оваа борба зависи од сите нас. Затоа, да реагираме! Да пријавиме! Да менуваме!“, вели Димитриевски.