Улицата од Средорек до „Сателит“ затворена поради санација на сливна решетка

Според Секторот за внатрешни работи Куманово, посебниот сообраќаен режим ќе важи од вечерва (21 јули) во 20:00 часот до утре (22 јули) во 12:00 часот. 

„Во овој период ќе има целосен прекин на сообраќајот на потегот од крстосницата со улицата „Никола Тесла“ до клучката кај бензинската пумпа „Сателит“, соопшти полицијата.

Од СВР Куманово апелираат до возачите и останатите учесници во сообраќајот да ги почитуваат наредбите на полициските службеници и поставената сообраќајна сигнализација, со цел безбедно одвивање на сообраќајот.