Зачленете се во нашиот клуб на читатели и најновите текстови ќе ги добивате на вашата мејл адреса
Во голема полициска акција на кумановската полиција и УЈП, викендов се затворени 5 кладилници што работеле на диво во Липково и Куманово.
Сопствениците на два објекта во селото Отља, по еден во селата Оризаре и Матејче, како и во локалитетот „Серава“ во Куманово, работеле без лиценца од Министерство за финансии, односно не поседуваат решение за наплатно-исплатно место согласно Законот за игри на среќа. Во сите овие објекти пронајдени се уплатени парични средства во вкупен износ од 110.962 денари и 60 евра, за кои се издадени уплатни ливчиња-тикети за спортски натпревари.
Управата за јавни приходи ги запечати и пломбира дивите обложувалници, додека полицијата ги одзела пронајдените пари, уплатните ливчиња-тикети како и телевизори, компјутери, монитори, печатачи и друга опрема.
Кумановската полиција против организаторите и сопствениците на спортските обложувалници ќе поднесе соодветни кривични пријави.
Акцијата е спроведена во осум спортски обложувалници на подрачјето на општините Куманово и Липково.
Зачленете се во нашиот клуб на читатели и најновите текстови ќе ги добивате на вашата мејл адреса
