Зачленете се во нашиот клуб на читатели и најновите текстови ќе ги добивате на вашата мејл адреса
Дрвени клупи, куќички за кучиња и птици, бетонски жардиниери и фонтана, изработија осудените лица во работилниците на казнено поправната установа Куманово, затвор Кшање, како дел од активностите за општо корисна работа.
Опремата е донирана на ЈП „Чистота и зеленило“ и ќе биде поставена во паркови и на зелени површини на повеќе локации во градот.
Директорот Марјан Спасовски, вели дека активностите на осудените лица се дел од процесот на ресоцијализација, а со единствена цел да има што помалку рецидиви и повратници во затворот.
„Овие активности се спроведуваат заради поквалитетно искористување на слободното време на осудените лица, а водено да дадеме придонес во оплеменување на зелените површини. Ова не е првпат да реализираме вакви активности, а ќе продолжиме и во наредниот период“, - изјави директорот Спасовски.
Предходно осудените лица изработија мобилна библиотека, кој беше подарена на Центарот за култура „Трајко Прокопиев“, а учествуваа и во расчистување на градските гробишта.