Зачленете се во нашиот клуб на читатели и најновите текстови ќе ги добивате на вашата мејл адреса
Дeсетина академски сликари од Македонија, Србија и Бугарија на традиционална 34-та годинава остварија богата продукција. Тие се презадоволни од природните убавини на овој крај и од меѓусебното дружење.
Утре завршува Меѓународна ликовна колонија „Куманово 2010“ која започна на 14 август во Меморијалниот комплекс Пелинце. Десетина академски сликари од Македонија, Србија и Бугарија на традиционална 34-та годинава остварија богата продукција. Тие се презадоволни од природните убавини на овој крај и од меѓусебното дружење. Александар Прибичевиќ од Белград, Србија кого за Куманово го врзуваат емоциите и спомените на четири години од детството.
„Oвде сме во близина на свето место, природата е прекрасна и луѓето исто така. Делува инспиративно- вели Прибичевиќ.
„Имам шокантни колоритни изјави. Колоритот ме избра мене, а не јас него. Се сликам себеси. Прекрасно е овдека„ - вели Мирјана Крстева Масети.
Организаторите велат дека составот на уметниците е таков што квалитетот може да се движи само по нагорна линија.
По 1989 година кога последен пат колонијата се одржа во манастирот „Прохор Пчињски„ се вративме на изворот, во неговата близина,во нов амбиент со нови мотиви и инспирации за уметниците.Впрочем и нивните дела говорат за ова - вели Перо Величковски кустос во Галеријата во Куманово.
Ова е една од трите најстари македонски колонии во организација на Галеријата при Музејот од Куманово.