Зачленете се во нашиот клуб на читатели и најновите текстови ќе ги добивате на вашата мејл адреса
Земјотрес со јачина од 5,4 степени според Рихтерова скала ја погоди Црна Гора утрово во четири часот и шест минути, а тресењето се почувствува и во Македонија.
Според Телеметриската сеизмолошка мрежа на Македонија, епицентарот на земјотресот се наоѓа 247 km северозападно од Скопје, во Република Црна Гора, со Рихтерова локална магнитуда M L 5.3.
„На територијата на нашата земја, земјотресот е почувствуван во северните и југозападните делови од Републиката. Во Тетово, Гостивар, Дебар, Кичево, Охрид, Струга и Ресен со интензитет од III-IV степени според Европската макросеизмичка скала, а во Скопје, Куманово и Велес со интензитет од III степени според истата скала“, соопштуваат од Сеизмолошката опсерваторија на Природно-математичкиот факултет во Скопје.
Според досегашните податоци со кои располага опсерваторијата, земјотресот нема предизвикано значителни материјални штети.
Зачленете се во нашиот клуб на читатели и најновите текстови ќе ги добивате на вашата мејл адреса
