Зачленете се во нашиот клуб на читатели и најновите текстови ќе ги добивате на вашата мејл адреса
Жителите на населбата Доброшане во сабота од 22 до 23 часот, во близина на бензинската пумпа, ќе го блокираат патот Куманово - Свети Николе, во знак на простест поради несовесното однесување на возачите, кои не ги почитуваат собраќајните правила во населено место и ги загрозуваат нивните животи.
- Протестот ќе се одржи поради последниот немил настан што се случи на 1 август на истото место, а е еден од низата вакви настани во нашата населба. Сакаме да им укажеме на надлежните институции да преземат соодветни мерки и да ги спречат ваквите настани во иднина, бидејќи жртва може да биде секој од нас, - се вели во поканата од група граѓани којашто е доставена до нас.
Минатата недела ва населбата Добрешане загина 16 годишно момче на мотор, откако во него удри 24 годишен возач на бемве, кој побегнал од местото на несреќата а потоа сам се пријавил во полиција. Жителите револтирани што е изгубен уште еден млад живот, на социјалните мрежи побараа да се постават препреки на патот и да се зголеми присуството на полицијата на оваа делница за да се казнат прекршителите, бидејќи откако се реновирал регионалниот пат кој поминува низ нивната населба, возачите не ја почитуваат брзината на движење во населено место и возат како по писта развивајќи брзина и по 150 км/час.
(С.Н.)
Зачленете се во нашиот клуб на читатели и најновите текстови ќе ги добивате на вашата мејл адреса
