„Арго“ со награда на Американското здружение на режисери

Филмот на американскиот актер и режисер Бен Афлек „Арго“ е добитник на овогодинешната награда на Американското здружение на режисери (ДГА).

Во Лос Анџелес беше одржано 65-то доделување на наградите на Американското филмско здружение. Филмот „Арго“, инаку, е трето долгометражно остварување под режисерската палка на Бен Афлек, а се работи за операција на ЦИА за спасување на шест заробени американски војници во Иран.

Филмот „Арго“ ја прими наградата на ДГА, доби и „Златен глобус“ за најдобар филм и најдобра режија, награда на Здружението на американски актерки (САГ) за најдобар кастинг, и награда на Здружението на американски продуценти (ПГА) за најдобар филм.

Според филмските критичари, „Арго“ на Афлек е и фаворит за престижната награда „Оскар“, за која е номиниран за најдобар филм.