Бијонсе со нова песна

Иако во последниве недели се “шушкаше“ за тоа дека на новиот албум на славната пејачка ќе се најдат соработки со Лејди Гага и раперката Азеалаја Бенкс, се чини дека тоа беше само добар маркетиншки трик.

Песната се вика “Бау Даун“, а продукцијата на истата ја потпишува Хит Бој, кој стои зад хитот “Нигас ин Париз“ на Џеј Зи. Песната е објавена вчера, а веднаш предизвика поделени реакции меѓу нејзините фанови. И додека некои сметаат дека ова е нејзиното големо враќање, останатите жалат за нејзините стари песни. Стиховите од песната како “Don't get it twisted, get it twisted, this my shit, bow down bitches“, воопшто не и прилегаат на пејачката.

Оставаме на нејзините обожаватели да пресудат дали повеќе ја сакате “старата“ или “новата“ Бијонсе. Албумот треба да се најде во продажба на 11 април, а не се сомневаме во неговата популарност. Сепак, станува збор за Бијонсе.