13. 11. 2010 08:56

Бојан Алексовски со промоција на првото цеде

Бојан Алексовски со промоција на првото цеде

 Бојан Алексовски (23) од Риека, вечерва во кафе-барот Версај ќе го промовира првото цеде „Се што сакаш ти„.На цедето ќе се најдат 9 песни од текстописецот Огнен Неделковски, кои се снимени на македонски и хрватски јазик.

Ние снимивме две цедеа, едното за хрватскиот и другото за македонскиот пазар. Албум е снимен во Македонија во соработка  со неколку студиа, со продуцентите Григор Копров, Роберт Билбилов, Бојан Ѓошевски, Валентино Скендеровски. Ги опфативме сите познати композитори, бидејќи сакавме да имаме повеќе стилови. Цедето е работено во поп-стил, има побрзи песни и балади. Моја целна група е публиката од мојата генерација средношколци, тинејџери и повозрасните- вели Бојан.

Таткото на Бојан е по потекло од Куманово, и затоа тој сакал да се врати кон корените и да сними неколку песни на македонски јазик.Но бидејќи наишол на одлични соработници, снимил албум. Бојан студира економија во Риека, а во Скопје се запишал на приватна Музичка академија.Тој е познат на македонската публика.

Досега настапував на Охрид-фест каде што и добив награда за најдобар дебитант со песната "Kрај" од Роберт Билбилов, учествував и на Макфест со песната "Те покривам со љубов", па потоа на македонскиот Евросонг со песната од Валентино Скендеровски, каде за жал малку  недостигаше да влезам во финале, а пред два месеци настапував на  фестивалот „Златне жице„ Пожега, Хрватска- објаснува Бојан.

Алексовски на промоцијата ќе отпее неколку нови песни и ќе се претстави пред кумановската публика, каде ќе подели и потпишува цеде.




2008 - 2019 Kumanovonews.mk • Сите права се задржани. Текстовите не смеат да се печатат или емитуваат, во целина или во делови, без договор со Kumanovonews.mk