Зачленете се во нашиот клуб на читатели и најновите текстови ќе ги добивате на вашата мејл адреса
Сите сме слушнале за изреката: за првиот впечаток, никогаш нема вторпат. Заради истата причина, професорката Весна Пешиќ, во својата книга „Бонтон“, нуди неколку начини како да се однесувате во друштвото, за да бидете добро прифатени.
-Првото правило за да оставите добар печаток во друштвото е да се однесувате со останатите онака како што би сакале и тие да се однесуваат со вас.
-Секогаш бидете културни и цивилизирани.
-Пронајдете ја мерата, односно не зборувате се` што ќе ви падне на памет, а пак немојте и некому премногу да му ласкате.
-Избегнувајте постојано да зборувате или пак постојано да молчите.
-Избегнувајте го оговарањето, особено доколку станува збор за некоја личност која не е присутна.
-Доколку некоја тема на разговорот не ви е доволно позната, не треба премногу да дискутирате, зашто незнаењето секогаш доаѓа до израз.
-Не трудете се во секој момент да бидете во центарот на вниманието.
-Не омаловажувајте, не навредувајте и не потценувајте, затоа што така најмногу се деградирате себеси.
-Пожелно е да бидете духовити, но внимавајте, шегата никогаш не смее да се претвори во навреда.
-Не употребувајте пцовки постојано.
-Не наметнувајте тема на разговор за која друштвото не сака да зборува.
-Ако на некого нешто сте ветиле, а не сте го исполниле, не заборавајте да се извините.
-Не ги присилувајте да пијат алкохол оние луѓе кои не пијат.
-Бидете умерени при пиење на алкохол, затоа што може да бидете мета за потсмев.
-Доколку се случи некоја несреќа, не се држете строго до бонтон правилата, туку обидете се на секој начин да помогнете.
- Иако со пријателите се однесуваме послободно за разлика со познаниците, сепак не треба да се изостава љубезноста и кога станува збор за пријателите.
Зачленете се во нашиот клуб на читатели и најновите текстови ќе ги добивате на вашата мејл адреса
