Зачленете се во нашиот клуб на читатели и најновите текстови ќе ги добивате на вашата мејл адреса
Откако легендарниот Бора Чорба за нашиот Сале Рокер го напиша текстот и заедно со него пее во српската варијанта на неговата нова рок&рол тема, насловена Ја нисам луд (Јас не сум луд), Сале истата тема во обете верзии реши да ја визуелизира во видеоспот.
Спотот беше сниман во околината на Скопје под острото око на камерата и режисерската палка на Горан Хаџи - Димов, попознат како Гурко.
И додека песната веќе се врти како во македонскиот радиоетер така и по некои од радиостаниците кај северниот сосед, Сале Рокер одбра промоцијата на обете верзии на спотот да ги промовира на крајот од оваа работна недела, во петок , 12.04.2013 година во скопскиот Сити бар со почеток во 14 часот.
Промоцијата ќе биде засилена со мини прес-конференција и 90-минутна after work забава со свирка во живо на Сале - Рокер и неговиот СРВ бенд. На промоцијата ќе биде присутен и Бора Чорба лично, кој се очекува и да запее заедно со Сале, но и самиот да изведе нешто од богатиот репертоар на Рибља чорба. Промоцијата ќе биде од отворен тип, па така покрај претставниците на медиумите, на неа се поканети да присуствуваат сите љубители на добрата свирка и секако обожувателите на Сале и Бора Чорба.
Зачленете се во нашиот клуб на читатели и најновите текстови ќе ги добивате на вашата мејл адреса
