Ќе се снима продолжение на "Глупав и поглупав"

Големиот број на обожаватели со голема радост ја дочекаа веста дека и официјално е потврдено дека Кери и Дениелс ќе ги репризираат своите улоги на не толку бистрите другари, Лојд и Хари, во продолжението од ова филмско остварување од 1994 година.

Пред неколку дена, Дениелс потврдил дека тие двајца повторно ќе соработуваат за снимање на филмот и дека Кери конечно прифатил, велејќи: "Ајде малку да се забавуваме!", пренесува "US Weekly".

Ние сме средовечни, но и понатаму сме глупави", изјавил Џеф Дениелс за Хари и Лојд, ликовите од филмот, а сценариото за продолжението тој веќе го опишува со зборовите "болно забавен.

Дениелс рекол и дека парите не се причината поради која тие се нафатиле да глумат во продолжението на легендарниот филм " Dumb and Dumber",туку дека тие сакаат продолжението да биде толку добро што ќе го "засени" првиот дел.