Џез фестивалот во Куманово со звучни имиња од светската џез сцена

Кумановскиот Џез фестивал годинава ќе се одржи на 20 и 21 септември во Центарот за култура „Трајко Прокопиев“.

Организаторите најавуваат богата интернационална програма и звучни имиња од светската џез сцена.

Првата вечер на 20 септември ќе настапат: MACEDONIAN DIXIELAND JAZZ ORCHESTRA и Thanos Stavridis TRIO од Грција, а на 21 септември: Васко Атанасовски Tрио од Словенија и Аднан Тескереџиќ од Босна и Херцеговина.