Емили ВанКамп ќе глуми во Captain America 2

Во конкуренција за оваа улога беа многу талентирани актерки, како Тереза Палмер, Алисон Бри, Емилија Кларк, Имоџен Потс и Џесика Браун. Сеуште не е познато која улога ќе ја толкува ВанКамп, меѓутоа, најверојатно станува збор за Шерон Картер, љувовен интерес на Стив Роџерс/Капетан Америка и внука на Пеги Картер (Хали Атвел), која нема да се појави во новиог филм.

Во главните улоги ќе се појават Крис Еванс, Семјуел Л. Џексон, Скарлет Јохансон, Ентони Меки, Френк Грило и Тоби Џонс. Режисери се Ентони и Џо Русо, додека сценариото го напишаа Кристофер Маркус и Стивен МекФили. Продукцијата на Captain America 2: The Winter Soldier требаше да започне во март, меѓутоа е одложена за крајот на јуни. Не знаеме дали ова ќе значи и промена на датум на премиера, која е закажана за 4-ти април, следната година.