Ептен ја промовираше првата песна и спот

Текстот за песната го напиша Дарко Даутовиќ од Загреб, а музиката и аранжаманот се на членовите на бендот. Спотот за песната е снимен на сцената во Центарот за култура во Куманово.

Албумот го снимивме во Загреб и содржи 8 композиции. Наскоро планираме да направиме негова промоција, но предходно ќе направиме спот и за песната „Ти ми зеде се„. Верувам дека нашата музика ќе допре до сите кои што сакаат убава музика- вели вокалот на групата Дарко Трајковски (21).

Гитаристот на бендот Александар Краљевски (24) е автор на една нумера во црногорскиот филм „АС ПИК- лоша судбина„,во кој играат холивудските глумци Мајкл Мадсен главниот јунак во Тарантиновиот „Уби го Бил„, како и Пеѓа Бјелац волшебникот од Хари Потер 4.

Кумановската група Ептен постои веќе 2 години и покрај тоа што работи на авторска музика, свират и обработки на познати групи. Тие настапуваат во клубови во Куманово, Штип, Битола, Прилеп, Велес и Скопје.

Промоцијата се одржа во клубот На-Ма пред голем број на кумановци и луѓе од светот на музикат од Скопје.