Зачленете се во нашиот клуб на читатели и најновите текстови ќе ги добивате на вашата мејл адреса
Новосадската група „Фрајле„ ќе биде главна атракција на годинешниов Тамбурашки фестивал, што ќе се одржи во август во Куманово.
На десетото јубилејно издание, со две фестивалски вечери, организаторите најавуваат богата програма, со познати музички имиња и оркестри од Балканот.
Престижната група „Фрајле„ од Нови Сад ќе настапи втората вечер во 22 часот. Тие имаат интересна програма, која е блиска до тамбурашкото музицирање, бидејќи доаѓаат од срцето на тамбурата - од Војводина. Верувам дека направувме добар избор, затоа што тие се доста популарни и кај нас, вели Нино Величковски, директор на Фондацијата за култура и спорт.
Фестивалот ќе го отворат домаќините-Кумановски тамбураши и Нино Величковски, оркестарот „Гезме„ со свои гости и Жупанискиот тамбурашки оркестар од Осиек од Република Хрватска. Во преговори се и за настапот Тијана Дапчевиќ. Втората вечер ќе настапат и тамбураши од Свети Николе.
Тамбурашкиот фестивал ќе се одржи на Градскиот плоштад на 22 и 23 август, а го организира Фондацијата за култура и Секторот за култура, подржано од градоначалникот и Советот на Општината Куманово.
Зачленете се во нашиот клуб на читатели и најновите текстови ќе ги добивате на вашата мејл адреса
