Гитаристот Игор Станоевски промовира мултимедијален проект

Во видеото тој ги спојува вајарството и музиката, скулптурите што учествуваат се негова изработка, а музиката е компонирана, аранжирана и изведена исто така од него.

Македонскиот блузер е дипломиран вајар. Музичката кариера ја почна на 16 години, кога неговиот талент го препознаа од „Јамаха“, по што стана нивно заштитно лице за Македонија во 2003 година. Имаше солистичкиот настап на фестивалот „Блуз и соул“, а свиреше и со Грег Рајт - гитаристот на Мајкл Џексон. Изминатиов период е познат по пласманот на седмата позиција на меѓународниот натпревар Play Crossroads на Ерик Kлептон.