Зачленете се во нашиот клуб на читатели и најновите текстови ќе ги добивате на вашата мејл адреса
Клубот „Марке“ на Оксфорд стрит во Лондон, каде што дебитираа повеќе не постои, но легендарните „Ролинг стоунс“ продолжуваат да ја воодушевуваат публиката 50 години по првиот концерт.
На главната трговска артерија во Лондон, банка го замени клубот, каде што на 12 јули 1962 година ги прави првите чекори на сцената една сосема нова група, формирана од Брајан Џоунс, Мик Џегер, Кит Ричардс и уште тројца музичари.
Џегер и Ричардс се пријатели од деца. Кога ја формирале групата имале 19 години, а Џоунс 20. Кон нив се присоединуваат Бил Вајман и Чарли Вотс.
Во далечната 1962 година, тие не ни претпоставувале дека ќе станат пример за поколенија музичари, дека ќе продадат 200 милиони албуми, а нивните песни како „(I Can't Get No) Satisfaction“ или „Jumpin' Jack Flash“ ќе станат легендарни.
Групата „Ролинг стоунс“, која го достигна врвот на крајот на 60-те и средината на 70-те години со албумите „Beggars' Banquet“, „Sticky Fingers“ и „Exile on Main Street“, преминуваше низ кризи, злоупотреба со наркотици. Претрпува промени, но продолжува да е на врвот и денес.
Зачленете се во нашиот клуб на читатели и најновите текстови ќе ги добивате на вашата мејл адреса
