500x100-1
30. 10. 2019 09:56

Камилица-за олеснување на стомачните тегоби

Камилица-за олеснување на стомачните тегоби

Билката камилица, позната и како вртипоп, е една од најстарите лековити растенија. Неа можеме да ја најдеме во сирова состојба за време на цутење, во април и мај.

Меѓутоа, во текот на годината може да ја сочуваме во вид на исушени цветови кои содржат терпеноиди и флавоноиди, кои придонесуваат за нејзините лековити својства.

Нејзиното лековито дејство им било познато и на Старите Египќани, кои камилицата ја користеле како лек за треска, изгореници, несоница, реума и при проблеми со варење на храната.

Оваа билка е позната по своите релаксирачки и смирувачки дејства со што помага во подобрување на сонот, ублажување на болките во стомакот, а го олеснува и варењето на храната и помага за смирување на грчевите во стомакот. Воедно, камилицата го регулира и нивото на шеќерта во крвта.

Исто така оваа билка може да се дава и на децата доколку имаат грчеви во стомакот, а помага и за подигање на имунитетот и во борбата против настинките, а може да се користи и за инхалација при настинка.