Кочо Агушев најдобар трубач на “Рома труба фест“

 Тој од организаторите доби награда златна круна и труба. 

За најдобар тапанар е избран Сертан Дурмишев од Штип, најдобар оркестар Сергеј Дурмишев од Штип и најдобар тубист Шукрија Абдулов од Струмица.

Гостинка на вечерта беше фолк-пејачката Милица Кузмановска, која ја изведе ромската химна “Џелем, џелем“.

Многу сум возбудена по овој настап бидејќи сите кои беа и од едната и од другата страна во публика стоеа на нозе. Навистина ја почитувам ромската песна и огромна чест и задоволство ми е што токму јас вечерва го отворив фестивалот - изјави Кузмановска.

Манифестацијата ја отвори претседателот на Советот на Општина Куманово, Максим Димитриевски ја отвори манифестацијата и истакна дека Ромите се многу талентиран народ, кој заслужува секаква подршка за фестивалот.

Публиката ја поздрави и директорот на фестивалот, Самет Салиевски, кој  потести дека фестивалот ги обединува најдобрите и најквалитетни имиња.

Ќе излезат најдобрите мајстори кои ќе ви ја покажат својата вештина, она што го знаат и умеат. Би сакал да се заблагодарам на  на сите кои не поддржуваат, градоначалникот, пратениците Оливер Спасовски и Самка Ибраимовски и луѓето кои работат во култура во општината и Фондацијата за култура и спорт.- изјави Салиевски.

Специјален гостин на вечерта беше оркестарот на Христијан Азировиќ  од Бојник, Србија, кој е овогодишен победник на Гуча 2013. Во ревијалниот дел настапија и Нино Величковски, Феруз Мустафов, како и најдобриот трубач од Џамбо Агушев.

На манифестацијата се натпреваруваа оркестрите: “ Џамбо Агушеви“ и “Млади Агушеви“ од Струмица, “Левис“ од Виница, “Уска Кан Кантуров“ од Берово, “Сергин Дурмишев“ од Штип.  Од Србија доаѓаат гостите : оркестар “Бојан Ристиќ“ од Владичин Хан и оркестар “Елвис Бајрамовиќ“ од Бојник.