Зачленете се во нашиот клуб на читатели и најновите текстови ќе ги добивате на вашата мејл адреса
Работата од 30 часа неделно е одлична за когнитивните функции на луѓето над 40 и повеќе години, додека секој дополнителен напор ја намалува нивната продуктивност, покажало истражувањето спроведено од Институтот за применета економија и општествени истражувања од Мелбурн.
Водачот на истражувањето, проф. Колин Мекензи, вели дека овие резултати можат да бидат од голема корист за работодавачите, но и за оние што ги носат законите за работа.
Тој смета дека трендот на продолжување на работниот век не е добро решение, туку дека на постарите треба да им се намали работното време.
„Поголем дел од популацијата е принуден да работи и откако ќе наполни 40 години, па и 50 и 60, а тие лица истовремено би морале да водат сметка и за своето здравје, да одмараат и да имаат повеќе слободно време. Добро е тие и понатаму да работат, отколку ништо да не работат, но само умерено“, вели Мекензи.
Докажано е дека крстословките, ребусите , судоку и други „мозгалици“ се одлични за постарите, бидејќи го чуваат капацитетот на мозокот, додека претераната стимулација има сосема спротивен ефект.
Научниците велат дека лицата кои работеле над 55 часа во текот на 7 дена имаат најголем пад на когнитивните способности, дури поголем и од невработените и пензионерите.
Зачленете се во нашиот клуб на читатели и најновите текстови ќе ги добивате на вашата мејл адреса
